Aliw na aliw ang netizens sa good vibes na hatid ng Kapuso hunk actor na si Jak Roberto, matapos nitong sakyan ang nagte-trending niya ngayong memes na "anti-selos class."
Sa social media ni Jak, in-upload niya ang video kung saan nag-ala professor siya sa pagbibigay ng payo sa love problems na idinudulog sa kanya ng mga umano'y estudyanteng nag-enroll sa kursong BS (Bachelor of Science) in "Anti-Selos Class" sa unibersidad na pinagkatuwaang ipinangalan din sa kanya.
Ang JRU o "Jak Roberto University."
Kabilang sa mga "estudyante" sa kanyang face-to-face Anti-Selos class ay ang Kapuso stars na sina Cai Cortez, Kristoffer Martin, Yasmien Kurdi, Rocco Nacino, Sofia Pablo, Allen Ansay, at kapatid Jak na si Sanya Lopez.
Mapapanood din sa video na matapos magbigay ng payo ni Jak sa problemang idinulog sa kanya ay sasayaw siya nang sexy sa saliw ng kantang "My All" ng award-wining American singer-songwriter na si Mariah Carey.
Kinaaliwan ito ng netizens kaya't agad-agad ding nag-viral.
Maging ang girlfriend ni Jak na si Barbie Forteza ay hindi nagpahuli na magbigay ng komento sa kuwelang video ng nobyo.
Komento ni Barbie, "Tapos nagrereklamo ka na pagod na pagod kang sumayaw e choice mo naman pala [laugh in tears emoji].
Sagot naman sa kanya ni Jak, "Napilitan lang, dami palang students Madam."
Nagsimula ang "Anti-Selos class" memes ni Jak dahil din sa netizens na nakakapansin sa pagiging unbothered daw ng Kapuso actor sa ka-love team ngayon ng kasintahan niyang si Barbie na si David Licauco.
Read: David Licauco on possible romance with Barbie Forteza: "What if?"
Kinahumalingan ng netizens ang tambalan nina Barbie at David o mas kilala na ngayon bilang BarDa, nang magkapareha sila sa Maria Clara at Ibarra, ang top-rating primetime series ng GMA-7.
Read: Most-talked about moments in Maria Clara at Ibarra
Simula nito, nagsunud-sunod na ang mga proyekto nila na magkasama, kabilang na rito ang upcoming TV adaptation ng 1991 movie na Maging Sino Ka Man.
Read: Barbie Forteza reacts to interviews of Jak Roberto, David Licauco, Joshua Garcia
JAK, THE UNBOTHERED BOYFRIEND
Pinaninawalaang ang "anti-selos" meme kay Jak ay nag-ugat sa eksklusibong panayam sa kanya ng PEP.ph (Philippine Entertainment Portal) sa GMA Gala 2023 noong July 22, kung saan ipinagtapat niyang kailanman ay hindi siya nakaramdam ng selos kay David.
Masaya raw kasi siya sa kung anong mayroon ngayon si Barbie at sinusuportahan niya ito.
"Walang selos, go lang! Professional lang tayo, trabaho lang," saad ni Jak sa PEP.ph.
Read: Jak Roberto on Barbie Forteza's love team David Licauco: "Walang selos, go lang!"
Wala rin daw kaso sa kanya na iba ang ka-love team ni Barbie dahil parte iyon ng kanilang trabaho bilang celebrities.